昨天我們報導完香港街霸 6 選手 Chris Wong 成功晉身為世界頂尖選手行列，我們趁他還在法國時，進行了一個簡短的文字訪問。當中我們提及到他怎樣看香港玩家與其他地區玩家的水平，原來 CW 對香港普遍玩家的評價是很不錯的，下面為大家分享是次訪問的內容。

VJGamer：想問下你成為第一個香港冠軍有咩感想呢？

CW：雖然我係第一個喺「街霸6」白金賽冠軍，但係唔可以驕傲或者自滿，因為遊戲只推出咗不夠半年，因為每個玩家學習新遊戲嘅速度都唔同，所以喺 Capcom Cup 之前都唔可以鬆懈。

VJGamer：有好多香港嘅朋友睇完你嘅比賽，都對街霸呢個遊戲產生左興趣，對於新手玩家，認為邊個角色比較容易入手？

CW：如果係話邊隻角色易入手嘅話，我會推薦「龍」同「Cammy」，因為佢哋都係老牌街霸角色，而且入手唔難。不過如果喺新手的話，我推薦嘅唔係邊隻容易用嘅角色，而係今集先有機新操作模式「Modern」，呢個模式係比一啲完全未接觸過格鬥遊戲嘅玩家，而且可以一鍵就出到不同招式。如果介紹呢個模式，可能會講好耐，幸好香港選手「西沙」同「Hotdog29」有教學點用，Link喺下面。

VJGamer：你覺得最後三強對決，MenaRD 難打啲定 valmaster 難打啲？

CW：先講佢地兩個喺咩來頭先，首先 MenaRD 係兩次「街霸5」Capcom Cup 得主，而 Valmaster 係法國最強春麗玩家。

但整體嚟講我覺得 MenaRD 難打啲，因為整體嚟講 Valmaster 防守同二擇位（50 / 50） 都無MenaRD咁好。 而且我覺得 Valmaster 即時 Read 對手而改變打法能力都係比 MenaRD 略輸，但 Valmaster 對空好好同打法比其他職業選手嘅春麗都唔同，所以開頭適應唔到之下，好快輸左兩局。

VJGamer：你已經拎到 Capcom Cup X 嘅入場卷，期望可以打到咩名次呢？

CW：最想當然喺第一，因為冠軍獨拿100萬美金獎金真喺前所未有，但個人小目標係頭4。

VJGamer：你覺得香港玩家大致水平同風氣，與其他國家如日本、台灣比較差距大嗎？

CW：水平嚟講香港玩家不比台灣日本差，因為我哋香港同日本玩家連線都好順暢，而日本玩家數目龐大，可以學到不同嘅打法。風氣非常不錯，雖然香港玩家數量比日本台玩少，但係我哋有唔同嘅群組，可以比玩家去討論。

VJGamer：喺今次大賽你展現出超強的抗壓精神力，有無咩秘訣可以分享下？

CW：因為平常我放工/放假嘅時間，有時會去健身室健身，大約一星期2-4日，我覺得健身之後，比起我以前去打「街霸5」比賽真係冷靜同集中很多。

以上就是今次簡短訪問的內容，還未入手《Street Fighter 6》的玩家是不是心癢癢呢？今集是很適合新玩家入坑之作，最主要有上面所說的「現代模式」，有一鍵必殺技，就算沒玩過街霸的也可享受箇中樂趣，而且豪華版也只需要六百多元已經包含四個 DLC 角色，不買豪華版更只需四百多元就有十八位角色，看完是不是覺得很吸引呢！《Street Fighter 6》已經推出，對應平台為 Xbox Series X|S、Xbox One、PS5、PS4 及 PC Steam，支援跨平台對戰。

回帶相關文章：

【遊戲新聞】香港選手法國奪冠 CW過關斬將成功登上世界頂尖選手行列