近年主打清潔嘅模擬遊戲大行其道，繼早前 FuturLab 工作室推出的《PowerWash Simulator》在各平台大受歡迎之後，另一間獨立遊戲工作室 Rubens Games 亦為玩家帶來另一隻清掃模擬器作品《Pool Cleaning Simulator》，預計 2023 年推出，先行登錄 Steam 平台，對應繁體中文。

玩家在遊戲中將飾演私營清潔公司老闆，專業負責承接泳池清掃業務，遊戲中出現的泳池種類極為多元化，由小朋友淺水池、豪宅裡面的大型游泳池及按摩浴缸、再到公共泳池以及學校游泳池、仲有神秘嘅廢池以及被遺忘的游泳池……各個關卡的污糟程度不一，因此玩家每次都需要使用唔同工具以及噴嘴去處理案件。

泳池可以有幾污糟？除左撈起垃圾，仲要處理池邊發霉、池底生藻或者有污泥堆積、仲有骯髒的濾水器等等；而部份進階關卡甚至會在泳池積水中出現烏龜或者魚之類的生物，玩家目標就係要 100％ 清潔每個 Case，真係諗起都覺得減壓！

話明係泳池，玩家清潔完後，仲要在池水中加入適當的化學藥品進行消毒，並用儀器測量 PH 值和余氯濃度等等，遊戲設定極為為像真；而完成每個 Case 之後玩家亦可以解鎖更高階的清潔用品和工具，相信對於喜愛清掃模擬類別遊戲的玩家而言，絕對係下一隻必玩之選。

《Pool Cleaning Simulator》，預計 2023 年推出，先行登錄 Steam 平台，對應繁體中文。