電子書版《聖經（The Bible）》一向都有，但係你有無諗過 Steam 平台都有《聖經》？

一間名為「Bible Games」的工作室在 2022 年 11 月 14 日時推出了《The Bible》Steam 版本，唔單止將全本《聖經》分章節數位化，仲對應埋 Steam 的成就功能，玩家只要睇哂（或者話轆哂……）書中章節就可以取得成就分，嫌唔夠挑戰性嘅朋友，仲有「問答遊戲」可以玩！

《The Bible》目前只有英文版本，不過推出之後馬上成為 Steam 平台「大獲好評」之作，玩家一致給予高評分。

不過，高分原因就同「遊戲質素」無關，《The Bible》於 Steam 頁面上，最有趣的並不是內容本身，而是玩家的地獄搞笑留言，包括「正評《聖經》好似會得到一啲良心救贖」、「唔正評係咪會落地獄」、或者係「睇緊 A 片的時候，假如阿媽衝入房，可以即刻切換版面到Steam 版《聖經》去掩飾」，希望基督信徒見到之後唔好嬲嬲豬！

《The Bible》Steam 版已經推出，暫只對應英語，有成就功能！