加入坦補 DPS 玩法，成功打開 FPS 遊戲新一頁嘅《鬥陣特攻》續集《鬥陣特攻 2》（Overwatch2）早前上市，不過喺首日上市就面臨大量問題，斷線、彈 Game、超長輪候時間、Bug 等等，令到玩家們怨聲載道，但仍無損暴雪 + 免費嘅威力，日前官方正式宣佈《鬥陣特攻 2》人數遠超上集，開服十日已經突破 2500 萬位玩家了。

《鬥陣特攻 2》開服時問題多多，首日被 DDoS 攻擊，連續幾日家用機版本都有過萬人排隊入服，Xbox 版本解成就會彈 Game，無法讀取上集存檔等等，導致極大量玩家差評。雖然問題多多，但係官方反應迅速， 好快就修復以上問題，並且喺 Twitter 上公開喺開服首 10 日已經有超過 2500 萬位玩家登入，每日線上遊玩嘅人數更遠超上集，非常利害。

//twitter.com/PlayOverwatch/status/1581004904121782273

暴雪 + 免費已經證明咗佢嘅吸引力，但係《鬥陣特攻 2》未來仍有大量進步空間，特別係本集被詬病為《鬥陣特攻》大型 DLC 而非續集。有玩過上集嘅玩家都會發現除咗人數減為 5 vs 5 之外，只有英雄技能、音效等有修改，其他野同初代真係分別不大，加上現時地圖數量少，PvE 模式又要去到 2023 年先有得玩（唔 Delay 的話），如果每次大更新無特別吸引嘅玩法就好難留住玩家，要知道現時玩家選擇實在太多，期望暴雪不要太自滿於目前成績，做好之後每步規劃先係長期致勝之道。