之前我哋介紹過，專門製作痴線 Game 嘅日本獨立製作人「ただすめん」新作喺連名都未有嘅情況下完成集資，而家終於知道作品名稱叫 《推色-オシイロ-》，玩嘅係用「打 Call 棒」擊退來襲嘅惡靈，咁惡搞嘅題材竟然有 VTuber 出演，成件事夾埋好鬼正！

《推色-オシイロ-》係一款恐怖節奏遊戲。故事講述喺廿幾年前，千葉傳奇競技場喺建造時發現大量身份不明嘅骸骨，雖然有發現靈體，但一直都無特別事情發生……直到有一日舉辦 VTuber 直播活動，靈體變為惡靈，會主動襲擊人類。玩家嘅任務就深入地下，以手中嘅「打 Call 棒」去擊退種種惡靈，保護大眾嘅安全。

遊戲玩法就好簡單，面對突襲嘅惡靈，只要跟返佢哋手上所戴嘅手鐲顯示嘅顏色，跟返背景音樂嘅拍子揮動「打 Call 棒」，達成需求次數後即可擊退惡靈。另外，喺會場地下會出現 VTuber 嘅圖，以「打 Call 棒」破壞呢啲圖都係遊戲任務之一。根據官方資料，將會有三個難度選擇，更有 VTuber 夢川かなう、丸餅つきみ以及姫熊りぼん 喺遊戲中出演。

🐟おしらせ𓂃 𓈒𓏸

あらためて！
わらわただすめん様の
新作フリーゲーム『推色-オシイロ-』に
りぼんちゃんつきみちゃんといっしょに出演させていただいたのじゃ！✨

ずっとやりたかったCVができてとても嬉しい( ᵕ̩̩ㅅᵕ̩̩ )
お歌もボイスもがんばったゆえリリースを楽しみにしててくれ…！ pic.twitter.com/yX0USAPnfZ

— 夢川かなう🐟 (@Kanau_Yumekawa) September 7, 2022

《推色-オシイロ-》將於 9 月 14 日推出，對應平台 PC，完全免費並會於佢個人網站中發表。另外，除咗呢隻痴線 Game，「ただすめん」之前仲做過話題惡搞 Game《そろそろ寿司を食べないと死ぬぜ！死》，以及玩「流水麵」嘅小遊戲《流しマッチョメン》，有興趣嘅喺佢個人網站中會搵到。