疊石仔平衡遊戲唔知大家有無玩過，自己初次接觸就喺《刺客教條：維京紀元》入面嘅小遊戲，玩落好有技巧，但你又點諗過呢類小遊戲會獨立出 Game。新作《Cairn: Stone Balancing》就係齋玩疊石仔嘅遊戲，睇落係好無聊下，但作為優閒免費小品儲咗先無壞。

《Cairn：Stone Balancing》由 Ammonite Design Studios 開發，係一款休閒益智遊戲。疊石仔「Carin」呢樣野本身係指用黎作為標記而堆疊嘅人造石堆，喺本作就純係享受疊石仔嘅樂趣，配合舒適嘅音效令人感到放鬆。

遊戲主要玩法都係透過旋轉石塊、變換鏡頭、觀察石頭形狀尋找平衡點再往上堆疊，石頭會出現隨機形狀，可隨時變換石頭。另外，遊戲有兩個模式選擇，分別係可自由堆疊無壓力嘅「創意模式」，同埋有時間及條件限制嘅「挑戰模式」，完成挑戰模式的話就會解鎖新石頭及關卡。

《Cairn：Stone Balancing》iOS 及 Android 版本已經推出，完全免費，PC Steam 版則於 9 月 12 日推出。