現今世代越黎越少人睇書，但係以前瞓前睇書係不少人嘅習慣。新作《Bedtime Horror Stories》描述閱讀一本睡前讀物時，發現開始閱讀後就不能停止，逼你要睇完為止，但喺睇書中途四周不停發生恐怖事件，到底有無命捱到睇完本書呢？

《Bedtime Horror Stories》由 Arkuda Inc. 開發，係一款恐怖解謎冒險遊戲，採用第一身視點。故事講述主角山姆獨自一人在家，喺深夜時份想瞓時被一把喺閣樓傳來嘅聲音吸引，上去之後發現係一本神秘嘅書。當山姆打開呢本書嘅一剎那正式中伏，四周嘅物件仿彿有生命般活動，有友善的有惡意的，同時發現無法停止閱讀，想擺脫本書就必需將佢睇晒！

當你親身實踐睡前故事時，周邊生物有機會對你不利，神秘書會提供工具比你與之對抗，同時你要努力解謎。就咁睇神秘書好似係你嘅夥伴，但實際上佢會一直睇實你，並不時會出古惑陰你。你亦可以嘗試摧毀書本，但係失敗的話有機會觸怒書中神秘力量，引發不可避免嘅後果。

《Bedtime Horror Stories》未有確實推出時間，對應平台為 PC Steam，有興趣嘅朋友可先加入至 Wishlist。