玩哥德風格嘅遊戲不嬲都唔算多，今次介紹嘅作品《Black Witchcraft》不但係哥德風格，仲要係橫向動作遊戲，完全啱晒我口味！本身預計係舊年推出，但係因為各種原因 Delay，預定於下個月頭推出，全平台！

《Black Witchcraft》由獨立團隊 QuattroGear 開發，係一款平面動作角色扮演遊戲。 玩家將扮演傳說魔女「麗姬婭」，携帶可變成各種武器惡魔手提包「杜拉漢」，前往邪惡魔女「麗諾爾」再度復活，簡單講就係魔女間嘅戰鬥，喺多達 200 個關卡、9 個頭目戰中，以橫向動作方式呈現。

遊戲基本玩法同一般橫向動作大同小異，不過由於使用變型武器，連 Combo 時有幾分《Devil May Cry》嘅味道。武器類型多變，近戰同遠攻都有多種型態，玩家於升級後亦可自由分配於不同能力值及解鎖新魔法及技能。另外，啟動特殊能力「柱頭」後可插入多達 30 種 Buff，配合返自己嘅戰鬥風格。（順帶一提，插能力畫面係畫公仔喺背脊，幾好 Feel）

《Black Witchcraft》預計於 9 月 8 日推出，對應平台為 Xbox One、PS4、Nintendo Switch 及 PC Steam，支援繁體中文。