極受玩家歡迎嘅上古卷軸新作就有排都未出，但唔緊要，因為仲有不停重出嘅《上古卷軸 V：無界天際》（The Elder Scrolls V: Skyrim）。作為玩咗超耐嘅一集，仍然有 Fans Keep 住幫佢製作 Mod 保持新鮮感。最新嘅八人連線合作 Mod 推出短短時間已接近 15 萬總下載次數，變成多人遊玩後完全改變遊戲體驗，非常值得再玩一次！

多人連線 Mod「Skyrim Together Reborn」由著名模組創作者 Dragonisser 與其他模組團隊製作，支援《上古卷軸 5：無界天際 特別版》（Skyrim Special Edition）及《上古捲軸5：天際週年紀念版》（Skyrim Anniversary Edition），可惜暫時並未支援中文。

「Skyrim Together Reborn」進行多人連線要設置伺服器，之後入黎嘅玩家就可以共享房主遊戲進度、資源，亦可以幫忙一齊打主線、探索地下城等等，最大支援八人同遊（團隊測試過可以去到 30+人，但因為會變到好 Lag，所以鎖定人數至八人），完全係將單機遊戲並做線上多人遊戲，好正。

多人連線 Mod「Skyrim Together Reborn」已經推出，有興趣嘅玩家可以去呢度下載。