預計明年推出嘅恐怖新作《Ad Infinitum》，以一戰背景為背景但就唔係要你打仗殺殺殺，反而係講對抗心魔嘅心路歷程，題材有趣。加上採用類似《Outlast》嘅設定，玩家只能有限度反擊，主要都係靠潛行躲藏避開怪物，刺激緊張感肯定有返咁上下，諗得過。

《Ad Infinitum》由獨立遊戲團隊 Hekate 開發，係一款恐怖解謎生存遊戲，採用第一身視點。背景設定於一戰，玩家扮演一名喺一次歸來嘅德國士兵。因為喺戰爭中經歷太多生與死，回國後患上創傷後壓力症候群（PTSD），每晚都會見到自己回到戰區，但係面對嘅並唔係敵軍士兵，而係各種可怕嘅怪物以及死亡陷阱。為咗擺脫呢啲可怕嘅幻覺，玩家將幫助佢喺 PTSD 中保持自我解開謎團。

遊戲中雖然有槍械可以使用，但基本上係無法擊倒怪物，主要靠潛行、躲藏避開佢哋，目的係希望玩家更專注於解謎部份。另外，本作不論係場景、設備、裝置、解謎元素都係用返一戰時代背景，務求帶大家有返去果個年代嘅感覺，而喺整個遊玩過程中所做嘅決定都會改變遊戲世界及劇情。

《Ad Infinitum》預計於 2023 年 4 月 20 日推出，對應平台為 Xbox Series X|S、Xbox One、PS5、PS4 及 PC Steam。