早前編輯部獲 Bandai Namco Entertainment 邀請，試玩一連串即將推出市面的遊戲，當中包括《樂高大亂鬥 LEGO Brawls》。《樂高大亂鬥》定於 2022 年 9 月 2 日推出，對應平台為 Xbox Series X｜S、Xbox One、PS4｜5、Steam 及 Nintendo Switch，目前預購已經開始。

《LEGO》遊戲系列一向以爽快度以及多重收集元素見稱，今次的《樂高大亂鬥》亦唔例外。《樂高大亂鬥》原為 Apple Arcade 平台作品，現推出的多平台移植版本相信會更方便玩家。遊戲以「LEGO」歷代唔少經典主題作品為大綱，玩家可以單人遊玩，亦可進行 Local｜聯機 Co-op，聯機人數多至八人，與戰友一齊分飾唔同角色共同闖關。

無論係有無玩過「LEGO」系列遊戲的朋友，《樂高大亂鬥》都係一隻極容易上手的遊戲；而對於固有「LEGO」Fans 黎講，呢隻大亂鬥遊戲最具吸引力之處，莫過於玩家可以完全自訂自己操作的角色，隨住玩家推進關卡、並在關卡中收集各種資源過後，會不斷解鎖各種類型的 LEGO 配件，可以話由頭到腳甚至武器都可以完全自訂。

今次遊戲提供大量主題關卡，例如西部、海盜、叢林，絕對係一隻極為耐玩嘅多人合作作品，目前遊戲已開始進行預購，定於 2022 年 9 月 2 日推出，對應平台為 Xbox Series X｜S、Xbox One、PS4｜5、Steam 及 Nintendo Switch。