遊戲界最佛心作品之一《Terraria》，推出過十年仍然 Keep 住不停更新，雖然之前出 1.4 版後聲稱係最後一次，但係依然有推出改版，仲要從不收費，靠嘅自然係對作品嘅愛，而呢份感情直頭感染埋 Fans，製作 3D 版本嘅《Terraria》，以全新面貌去體驗呢款經典作品。

《Terraria 3D》最初由 Peteh12 喺 Reddit 時分享，開發逾半年做出基本世界框架，可以建築同斬樹，以及有史萊姆王及克蘇魯之眼兩隻 Boss。最近 Peteh12 就喺 YouTube 上傳作出大幅更新嘅最新版本，加入日夜變換及天氣系統、自由切換第一身或第三身視角、完整克蘇魯之眼召唤過程、第一及第二型態變化等等，同時 Peteh12 公佈埋跟住落黎嘅開發進度，會係經典嘅「猩紅之地」或「腐化之地」。

《Terraria 3D》預計於 2023 年推出，對應平台為 PC。另外 Peteh12 早就承諾遊戲推出後會免費開放比所有玩家下載，真係敬請期待！