俄羅斯遊戲工作室 FNTASTIC 開發的開放世界大型喪屍生存遊戲 《The Day Before》宣佈延期至 2023 年 3 月 1 日上架。遊戲原定於 2022 年 6 月 21 日推出，但係工作室決定改用 Unreal Engine 5 進行遊戲系統改良，所以需要延期發售遊戲。遊戲對應平台為 Xbox Series X｜S、PS5 及 Steam。

《The Day Before》以瘟疫過後的美國作為遊戲舞台。美國近紐約地區，地區爆發大規模病毒感染，病患者會失去理性去攻擊及進食人類，而倖存者亦互相殘殺，爭奪物資。玩家飾演嘅角色，於病持爆發前一晚處於昏迷狀態，避過一劫，只係一覺醒來，世界崩壞。為咗生存落去，玩家會選擇同其他人合力作戰，抑或加入搶奪物資嘅行列，以上發展全憑玩家嘅個人判斷。

遊戲自從公佈以來，一切備受玩家關注，更於 Steam Wish List 上面一直處於高位（連結）；工作室早前就表示，考慮到咁多玩家期待佢地嘅新遊戲，佢地認為用更多時間潤飾作品，可以比玩家一個更好嘅交代。

《The Day Before》定於 2023 年 3 月 1 日上架，對應平台為 Xbox Series X｜S、PS5 及 Steam。