遊戲業界不斷出現整合以及收購等等新聞，Ubisoft CEO Yves Guillemot 面對呢個現象時就表示，公司旗下《刺客教條》以及《Far Cry》等系列業績理想；不過，假如有其他公司願意提出報價，公司依然開放「被收購」嘅可能性。

在早前舉行的 Ubisoft 財報會議上面，Microsoft 收購 Bethesda 及動視暴雪、Sony 收購 Bungie 等等新聞亦係佢地會上面嘅話題。收購行為唔一定係代表一間公司業務唔好，而係一種令兩間公司雙嬴嘅進化選擇；Yves 認為公司並唔急於被收購，但係佢亦都暗自表示，非常好奇點解去到而家都未有其他財團對 Ubisoft 提出估價，更強調公司接受任何形式嘅建議。

當然，Yves 亦表示，要收購 Ubisoft 並唔容易，佢地會確保各個工作室可以維持獨立運作、IP 嘅執行權、以及董事局方面對於股權嘅分析。

Yves 放哂風聲之後，未知道 Microsoft、Sony 以及中國騰訊會唔會對 Ubisoft 提出收購申請？有新消息會再為大家報導。