GTA 呢款作品無人不識，喺城中想做乜就做乜呢種咁 Feel 嘅感覺的確好爽。新作《Grand Theft Gato: Vice Kitty》齋睇名已經知係玩緊 GTA，喺遊戲中多位玩家將化身為可愛嘅貓貓們，喺城中進行各種活動，最有趣嘅係可以操控人類，當佢係另類作品玩都幾得意。

《Grand Theft Gato: Vice Kitty》由 LetMeowt Games LLC 開發，係一款動作角色扮演遊戲，採用第三身視點、開放世界，支援線上多人遊玩。玩家將於城市「Kitty City of Vice」中活動，扮演黑幫貓或者貓警察。你可以選擇為非作歹，周圍搗亂、飛車、放火，甚至趴喺人類背後操控佢地；亦可以做貓警察打極罪案維持貓法，基本上遊戲並無限制你做乜，隨心所慾做隻自由嘅貓貓吧。

《Grand Theft Gato: Vice Kitty》預計於三月進行搶先體驗，支援線上多人合作，對應平台為 PC Steam。另外製作團隊之前做過兩款遊戲《Cat Gets Medieval》及《Cat Saves Halloween》，都係同貓貓有關嘅遊戲，有興趣嘅朋友可以望下。