FromSoftware 旗下備受期待高難度動作遊戲《Elden Ring》將於 2022 年 2 月 25 日正式推出，距離推出日越來越近，工作室以及傳奇製作人宮崎英高亦都開始透露更多遊戲相關預告。

眾所周知是次的《Elden Ring》搵黎《Game Of Thrones（小說原譯：冰與火之歌）》原作者 George R.R. Martin 創作世界觀，不過故事細節以及對白文本等等則由宮崎英高老賊輸出善意負責撰寫（報導）。

宮崎英高早前接受外媒 GameInformer 訪問時表示，雖然 George R.R. Martin 對自己創作的世界觀及遊戲充滿正面期待，但係佢相信，假如對方知道遊戲製品版故事會係如此黑暗，一定會嚇一跳，因為 George R.R. Martin 原本以為《Elden Ring》係一隻充滿人性化的故事。宮崎英高又笑言，而家相信期待 George R.R. Martin 見到最終遊戲版本時的反應到底會是如何。

宮崎又表示，《Elden Ring》的世界比起過往作品更為廣闊、動作靈活度亦都更高，期待可以吸引《Dark Souls》系列死忠以外嘅新玩家入坑，亦希望可以見到更多玩家能夠「100％ 完成遊戲」——佢參考 Steam 平台上購買《SEKIRO 隻狼》嘅玩家數值，當中只有不足於 25％ 玩家能夠玩到爆機。佢希望《Elden Ring》嘅爆機人數可以更多咁話。

《Elden Ring》於 2022 年 2 月 25 日正式推出，對應平台為 Xbox Series X｜S、Xbox One、PS5、PS4 及 PC，購買 PS4 及 Xbox One 版本可免費升級為新世代版本。