Square Enix 旗下曾開發《八方旅人（Octopath Traveler）》、《勇氣默示錄（Bravely Default）》等出色 RPG 作品的工作室表示，2022 年將會有更多新遊戲推出及公佈。
工作室最新戰略型 RPG 作品《Triangle Strategy》已定於 2022 年 3 月 4 日全球上市，製作人為淺野智也。由淺野智也領軍的工作室早前於 Twitter 上面表示，今年除了《Triangle Strategy》，已有計劃推出更多的遊戲及 IP，希望玩家期待支持。
＼明けましておめでとうございます／
本日より仕事始めです。
今年はトライアングルの他にも複数タイトルの発表や発売を計画しています。どうぞ、ご注目下さいませー！
&
年末年始企画もたくさんのお便りありがとうございましたm_ _mチーム一同、引き続きがんばります
— ブレイブリーデフォルトII公式 (@BDFF_OFFICIAL) January 6, 2022
早前淺野智也接受 Famitsu 訪問時暗示過，工作室認真考慮為《Octopath Traveller》推出續集或者系列作，亦有意繼續開發《Bravely Default》系列；即將推出的《Triangle Strategy》則為工作室全新 IP。
《Triangle Strategy》定於 2022 年 3 月 4 日上架，Nindento Switch 平台限定，目前開始接受預購。玩家於遊戲當中將身處「ノゼリア」大陸，大陸上面三個國家為咗鹽及鐵嘅專利權而陷入戰鬥，玩家因此投入戰線。除咗要參與戰棋形式嘅戰鬥之外，遊戲裡面更會出現唔少選擇，玩家嘅選擇都會分類為以下三個導向：「BENEFIT（利益）」「MORAL（道德）」「FREEDOM（自由）」。玩家選擇嘅唔同，可能會影響加入團隊嘅成員人選；而最終導向嘅類別，更會影響故事結局。為一隻耐玩而多彩的 RPG 遊戲。
遊戲中以 3D 技術融合 2D 玩法嘅「HD-2D」美術方針，亦為遊戲製作出唔少精美場景。在試玩版推出以後，工作室亦依據玩家意見改善遊戲唔少部份，包括 UI、加快遊戲 Loading 時間、加入人物對話日誌模式、事件自動化｜跳過事件選項等等。
到底 2022 年淺野工作室仲會為玩家帶黎乜野驚喜，有新消息我地會再為大家報導。
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。