今次為大家介紹嘅係一款全新嘅類魂遊戲《Dolmen》，佢結合未來科幻同埋宇宙性恐怖元素，而且受到知名小說家 Howard Phillips Lovecraft 及現多流文化影響。之前公佈時喺外國得到唔錯嘅反應，試玩過程亦都顯出佢係一款有水準嘅遊戲，值得期待。

《Dolmen》由獨立團隊 Massive Work Studio 開發，係一款類魂系驚悚動作角色扮演遊戲，採用第三身視點。遊戲故事發生喺一個叫做「雷斐昂主星」嘅危險星球，呢度有種稀有水晶「墮夢」，佢可以令人同其他世界進行互動、徹底革新太空探索，甚至永久改變已知世界，而你嘅任務自然係去呢個星球尋找「墮夢」返歸。

遊戲初始有五個職選擇，有主打長距離戰嘅，有主打力體嘅，有主打長耐力嘅，仲有 LV1 嘅一無所有職業。基本戰鬥系統同魂系大同小異，都係以輕重攻擊近戰、遠攻、回避為核心，但係本作喺長距離戰下咗唔少心機。角色可配備各類型槍械並支援鎖定，雖然射擊會消耗之彈，但係會隨時間逐漸恢復，而且槍械亦有強弱攻擊之分，例如手槍重攻擊可儲力、步槍重攻擊會追加額外攻擊次數等等。

長距離戰精彩，近戰一樣好玩。依照魂系慣例，近戰破防、盾反成功後可施展威力強大嘅反擊，但係有部份攻擊係無法防禦，敵人使出呢類招式前頭定會出現紅色標記（即係《隻狼》咁），必需迴避。另外近戰仲可以消耗「能量」開啟能量模式，啟動後除咗有華麗嘅特效，仲會賦予武器強大嘅屬性攻擊，例如斬擊同時射出劍氣，做成兩次傷害。

遠近戰以外，遊戲中有三種攻擊屬性：燃燒、冰凍和強酸。因應敵人對屬性防禦力增加或減少傷害，同時會累積附加狀態，火會降防、冰凍減速、強酸就兩者兼備。配合不同屬性武器，再爆能量模式，針對 Boss 嘅弱點屬性攻擊就係呢隻遊戲嘅最佳策略。

《Dolmen》預計於 2022 年推出，對應平台為 Xbox Series X|S、Xbox One、PS5、PS4 及 PC Steam，對應繁體中文。