雖然《人中之龍》系列「桐生一馬」故事主線已經完結，不過主角桐生其中一首能夠在「卡拉 OK」小遊戲裡面玩到嘅金曲「ばかみたい（像笨蛋一樣）」於全球唔同領域卻依然強勢熱播中！

「像笨蛋一樣」於《人中之龍 5》裡面首次登場，歌曲由福山光晴作曲、堀井亮佑作詞，主唱為桐生一馬聲優黑田崇矢。歌曲推出之後，由於旋律及歌詞都相當易入腦，因此受到亞洲地區玩家歡迎，連不譜日文的玩家都能記住副歌歌詞「だめだね～だめよ～だめなのよ（Dame Dane, Dameyo, Damenanoyo）」；後來歌曲亦於後續唔少《人龍》作品中登埸。

「像笨蛋一樣」歌詞描寫桐生一馬人在江湖、身不由己的滄桑（雖然遊戲中的 MV 都自帶喜感），不過，自從《人龍》系列開始提供英文化版本並於海外上市之後，「像笨蛋一樣」旋即將成海外玩家熱門翻唱歌曲，連向外國人教授日文嘅老師，都會拎呢首歌做課堂練習：

なぜかスウェーデンの若者はみんな知ってる日本の歌がコレ?

今日の授業で即興で合唱してみました。 pic.twitter.com/Pliu4yba2S

— 久山葉子 ㊗『スマホ脳』オリコン1位！　訳書『最強脳』『影のない四十日間』『こどもサピエンス史』 (@yokokuyama) December 2, 2021

桐生一馬聲優黑田崇矢亦於 Twitter 上面表示，「像笨蛋一樣」亦係佢喺遊戲當中喜歡的歌曲之一；知道歌曲如今成為國際玩家熱潮，佢都表示興奮咁話！

俺の好きな曲
『ばかみたい』
世界では
『Dame Dane』とも
言われてるのか〜❗️?

知らなんだ❗️??? //t.co/mXbPt2ZUpt

— 黒田崇矢 (@takayakuroda) December 5, 2021

人龍工作室表示，目前團隊正開發《人中之龍 8》，但係會於遊戲中繼續加入「像笨蛋一樣」呢首歌曲；不過會唔會加插桐生一馬戲份由佢唱返，抑或沿用新主角春日一番熱唱呢首歌曲，就要等到遊戲推出先至知曉了。

筆者第一次聽到呢首歌已經好鍾意！永遠懷念桐生一馬！