今次為大家介紹嘅遊戲係一款使用 Cyberpunk 風格嘅角色扮演遊戲《Mechajammer》，早前發表嘅 Trailer 起晒格懷舊味甚濃，加上遊戲中有收買賄賂、潛行殺敵等多種元素，即使喺同類型遊戲中亦較為少見。

《Mechajammer》由獨立遊戲工作室 Whalenought Studios 製作，係一款回合制策略角色扮演遊戲，採用開放世界。故事舞台為於異世界叢林入面一個有大量外星殖民嘅恐怖地區，你需要喺呢度招攬僱傭兵、幫派成員或盜賊等加入自己隊伍，藉此強化自己嘅實力去執行各類任務。

遊戲中戰鬥時可採用多種策略，其中一種就係於叢林中潛行避開戰鬥。另一方面，如果你選擇正面進攻，就會進入回合制戰鬥，不過要留意係即時回合制，雙方行動係同時進行，所以要快速確認敵人行動係非常重要。例如你可以先發制人，亦可以專心防守，四處閃避搵機會還擊，當然你亦可以對隊員下指令。另外，玩家亦可以透過收集/散佈流言、謠言，或者賄賂敵人去贏得別人信任，並且依據你嘅選擇改變故事走向。

《Mechajammer》預計於 12 月 2 日推出，對應平台為 PC Steam 及 Epic Games Store。