Turtle Rock Studios 工作室於 11 月 13 日表示，會儘快為四人線上合作 FPS 遊戲《Back 4 Blood》提供新的修正檔，去改善上次更新後造成的「難度過高」的問題。

《Back 4 Blood》於 2021 年 10 月 8 日正式推出，不過早前遊戲推出更新「November 2021 Update」之後，唔單止弱化玩家近攻及防禦數值，更令遊戲難度大幅提高，令到玩家極為不滿。《Back 4 Blood》初時推出已有明顯難度分野，怪物量多血厚，本來已不是可以輕鬆過關的遊戲；更新之後，更令到遊戲進入難以理解嘅極高難度。

玩家於社群中問 Turtle Rock Studios 為何要無預警地大幅提高遊戲難度，工作室卻表示（連結），佢地本來無意調整遊戲難度，今次更新之後出現嘅難度提昇，其實係佢地「系統上面操作嘅錯誤」。「November 2021 Update」佢地原意為修復 Bug、以及調整特殊敵人嘅登場頻密程度，但係卻意外同時調整埋遊戲整體難度，令到玩家承受傷害值增加、兼減低生命值上限等等。

Turtle Rock Studios 就本次事件向玩家致歉，並表示已全力調整是次問題，將會盡快推出修正檔為玩家進行更新；亦提供 Discord 頻道供玩家反映意見。

《Back 4 Blood》已經推出，對應平台為 Xbox One｜Series X｜S、PS4｜5 及 PC，並已登錄 Xbox Game Pass。