羅馬獨立遊戲工作室 Tunnel Vision Studio 為玩家帶來全新開放世界探險作品《Starsand》，遊戲預計 2021 年 11 月 4 日上架，目前 Steam 平台限定，目前已公開試玩版本下載。

假如玩家睇完《DUNE》後對於沙丘世界感到興趣，今次介紹嘅《Starsand》或者會適合你嘅口味。《Starsand》為一隻以第一視點進行嘅探險求生遊戲，玩家身處一望無際嘅沙漠當中，必須獨力存活下去。你心中明白唔會有救援隊伍到來帶你逃出生天，所以你開始於沙漠當中，尋找令你生活落去嘅資源。

不過，你身處嘅沙漠同平時認知嘅有少許出入，呢度嘅沙漠，夜晚，會有兩個月亮，而沙漠周遭，亦會有各種荒廢嘅城鎮以及地城，仲會有類似沙蟲嘅大型怪物威脅你嘅安危。到底玩家能否逃出生天，同時發現埋藏在沙漠深處的謎題，就係《Starsand》嘅遊玩重點。

目前《Starsand》已在 Steam 平台公開試玩版本，並於 2021 年 11 月 4 日正式上市，暫時只對應英文及簡體中文。