2014 年時於 WiiU 平台上推出的恐怖遊戲《零～濡鴉之巫女～》會於 2021 年 10 月 28 日正式推出 Remaster 版本，以更精緻嘅畫面以及效能，登錄到 Xbox One｜Series X｜S、PS4｜5、Nintendo Switch 及 Steam 平台上面。由於《零》已經多年未有推出新作，加上當年 WiiU 玩家覆蓋率不高，因此唔少玩家都對是次 Remaster 版本表示期待。

擔任《零》遊戲系列歷代監督嘅柴田誠先生早前接受外媒 JP Games 時就表示，玩家對於《零～濡鴉之巫女 Remaster》表達嘅熱情超乎佢地預期，加上預購數字可觀，雖然目前 KOEI 並未開始進行任何《零》系列相關嘅下一步企劃，不過柴田就表示，會考慮為過去其他《零》作品進行 Remaster 甚至重製計劃。

佢又補充，當然工作室最希望嘅係可以推出《零》嘅全新作品，不過目前首要任務都係處理好《零～濡鴉之巫女～》Remaster 嘅上架工作。工作室現時無意為《零～濡鴉之巫女～》推出 DLC，不過就會於遊戲上架時，同步推出數位美術設定集，包括歷代角色衣裝、人設、故事大綱以及原畫文案等等元素，希望玩家都會收藏留念。

有新消息會再為大家報導。