自從迷上《搖曳露營△》呢套作品後，對野外活動都產生興趣。今次介紹嘅作品《Yamafuda!》（ヤマふだ！にごうめ）以登山為題材，畫風同用色都有幾分《搖曳露營△》嘅味道，想玩下休閒輕鬆向嘅朋友可以一試。

《Yamafuda!》日本 KPC online 開發，係一款休閒卡牌遊戲。玩家將扮演一位少女與朋友一齊登山，玩家喺登山過程中會出現攔路嘅動物，透過隨機出現嘅卡牌行動，每張卡牌都有對應數值或行動，當中「Hike」值等同攻擊力，「Care」值等同防禦力，如果本身「Care」值高於斜坡數值就唔會扣血，而攔路動物亦會扣減「Hike」數值血量，夠體力攻頂就可以完成路線。

由於卡牌每次都係隨機出現，行衰運的話隨時未行到一半已經無血，呢個時候可以停低用路上執到嘅資源製作各種登山裝備同埋休息補血。另外每次攻頂成功都會得到新嘅卡牌去豐富自己牌組，而且就算玩返同一座山，天氣同路上陡峭程度亦會產生變化，呢點同現實山中情況會改一樣，都幾真實。

《Yamafuda!》已於 9 月 25 日推出，對應平台為 PC Steam。