Square Enix 於 9 月 24 日的「Nintendo Direct」正式發表《TRIANGLE STRATEGY》定於 2022 年 3 月 4 日上架，Nindento Switch 平台限定，目前開始接受預購。

《TRIANGLE STRATEGY》於 2021 年 2 月份「Nintendo Direct」首次公開，隨後更推出試玩版，聽取玩家回應後加以調整，從而推出明年 3 月版本嘅正式遊戲。作品由曾開發《Octopath Traveller（八方旅人）》、《Bravely Default（勇氣默示錄）》等出色 JRPG 系列嘅淺野智信團隊擔任製作，為一隻戰略 RPG（參考早前報導）。

玩家身處在「ノゼリア」大陸，大陸上面三個國家為咗鹽及鐵嘅專利權而陷入戰鬥，玩家因此投入戰線。除咗要參與戰棋形式嘅戰鬥之外，遊戲裡面更會出現唔少選擇，玩家嘅選擇都會分類為以下三個導向：「BENEFIT（利益）」「MORAL（道德）」「FREEDOM（自由）」。玩家選擇嘅唔同，可能會影響加入團隊嘅成員人選；而最終導向嘅類別，更會影響故事結局。為一隻耐玩而多彩的 RPG 遊戲。

遊戲中以 3D 技術融合 2D 玩法嘅「HD-2D」美術方針，亦為遊戲製作出唔少精美場景。在試玩版推出以後，工作室亦依據玩家意見改善遊戲唔少部份，包括 UI、加快遊戲 Loading 時間、加入人物對話日誌模式、事件自動化｜跳過事件選項等等。

《TRIANGLE STRATEGY》定於 2022 年 3 月 4 日上架，Nindento Switch 平台限定。