任天堂於 9 月 24 日「Nindendo Direct」正式發表《Beyonetta 3（ベヨネッタ 3）》，遊戲預計於 2022 年推出，正式發售日有待公佈；節目同時公開遊戲的遊玩影片，是為《Beyonetta 3》繼 2017 年首次公佈以來，第一次有正式更新情報公開。

《Beyonetta 3》為白金工作室旗下著名系列之一，為一隻以畫面華麗以及動作爽快見稱的動作遊戲。今次作品以東京涉谷作為舞台，於片段當中，見到日本自衛隊正與大型敵人陷入苦戰。

相信玩家對於 Beyonetta 華麗舞蹈配以槍擊嘅炫麗戰鬥方式一定唔會感到陌生，不過呢條片段中仲有少少彩蛋：白金工作室另一作品《Astral Chain》裡面嘅吉祥物兔仔「ラッピー」亦都有於片段中登場！唔知道係咪想暗示遊戲續集正在開發當中？

《Beyonetta 3》由宮田祐輔擔任監督、中尾裕治擔任製作人；神谷英樹擔任執行總監、稲葉敦志擔任執行製作人，當中神谷英樹以及宮田祐輔都先後於 Twitter 上面發出感想。

神谷表示自遊戲公佈以來，一直希望可以快啲令遊戲面世，所以工作室一直努力於四年間不斷埋首開發；宮田則表示，自己首次擔任《Beyonetta》系列嘅製作人，事前唔單止重玩哂前兩集，亦熟讀《Beyonetta》相關書籍及設定集，更經常與神谷英樹進行會議。由 Fans 變成製作人，到底今次宮田祐輔可唔可以交出漂亮成績單？

《Beyonetta 3》，遊戲預計於 2022 年推出，Nintendo Switch 平台限定。