柏林圍牆倒下嘅歷史事件大家都知道係點，原來當時喺國家設施入面有部機器帶人進入有機械人有巨人嘅平行時空。即將推出嘅新作《INDUSTRIA》將帶領大家進入呢個奇幻時空，喺 Steampunk 超現實世界中冒險。

《INDUSTRIA》由獨立遊戲團隊 Bleakmill 製作，係一款科幻動作射擊遊戲，採用第一身視點。遊戲故事發生於 1989 年 11 月 9 日柏林，經過 40 年分裂後，柏林圍牆終於倒下，大量民準備穿過邊境。與此同時，你嘅同事沃爾特喺東柏林附近研究所消失，當你去尋找佢時進入一座設施，意外地進入一個時間靜止嘅平行時空，喺一切都未知嘅情況下尋找同事回歸原世界。

遊戲整體美術係超現實風格 Mix Steampunk，喺預告影片中見到大量人形機械人，仲有一隻巨人喺街上徘徊，牆上則有大量球形物體，玩家要喺各場景中與機械人軍團作戰，佢哋亦識得喺暗角埋伏。遊戲中將有四種不同特性嘅武器選擇，同時亦有謎題需要破解，初始破關大約需要四個小詩。

《INDUSTRIA》預計於 10 月 1 日上市，對應平台為 PC Steam、Epic Games Store 及 GOG.com。