由 Deck Nine 開發、並由 Square Enix 發行嘅劇情互動歷險遊戲《Life is Strange: True Colors》於 2021 年 9 月 10 日已經推出，目前於 Steam 平台上已獲得極度好評嘅高評分；不過，遊戲於短短幾日間已成為中國小粉紅狙擊嘅目標。

《Life is Strange: True Colors》以美籍華人少女 Alex Chen 作為故事主角，是次故事舞台，設於名為「Haven Springs」嘅小鎮。小鎮上面有間舖頭叫做「Treasures of Tibet」，門口有一枝「雪山獅子旗（Flag Of Tibet）」耀目飄揚。中國一直對外宣稱擁有西藏地區嘅主權，因此「雪山獅子旗」於中國被視為「藏獨」嘅反亂物品。

Flag Of Tibet

是次《Life is Strange: True Colors》裡面出現呢面旗幟，無疑係「外國勢力對中國領土的侵略」、「外國勢力對中國主權說三道四」，係「赤裸裸的霸權行徑」；因此一眾小粉紅自然嬲到不得了，群起到 Steam 平台遊戲頁面，以簡體字進行文字攻擊。

目前，遊戲九成玩家對遊戲「好評」，而「負評」的全部為中國玩家，留施言內容大多為「西藏、台灣、澳門、香港都是中國不可分割的領土」等等常見的「愛國字眼」。

Steam 方面暫時未有回應是次事件，有新消息會再為大家報導。

《Life is Strange: True Colors》目前已經推出，對應平台為 Xbox One｜Series X｜S、PC（Steam）、PS4｜5 及 Stadia。