由 Amazon Game Studios 開發嘅 MMO《New World》（美洲新世界）喺九月尾就會推出，雖然係大型線上遊戲，但就要比錢先玩到。如果想免體體驗呢款大作就要把握機會啦，因為黎緊將會做最後一次公測，錯過就要買 Game 先有得試啦！

《New World》係一款大型線上動作角色扮演遊戲，採用第三身視點。遊戲以 17 世紀殖民時期美洲大陸為背景，採用架空歷史，玩家將會喺一座叫做「Aeternum」嘅島嶼進行冒險。同一般 MMO 相類似，擁有地下城、PVP、打獵、生產等元素，玩家可以學習唔同嘅生產技能並建立公會等等，亦有分為唔同勢力，當然唔少得 50 人以上嘅攻城戰，攻陷敵城的話就會獲得該城管理權等等。

本作係一個劍、槍同魔法嘅世界，有冷兵器近戰亦有遠距離槍砲同魔法。遊戲中並無等級系統，配合複雜高難度的動作戰鬥系統，玩落幾好 Feel。根據 SteamDB 嘅數據，之前封測曾經喺開 Server 短短 24 小時內就有接近 20 萬人同時在線遊玩，足證受歡迎程度。

《New World》（美洲新世界）將在 9 月 28 日正式上市，而喺 9 月 9 日（香港時間晚上十點）至 12 日將會有最後一次公開測試，想免費體驗遊戲嘅話就要把握最後今次機會。