歷險遊戲系列《Syberia》將推出全新作品《Syberia: The World Before》，預定 2021 年 12 月 22 日率先對應 PC 平台（Steam｜ GOG.com｜Epic），並於 2022 年發售家用機版本。

《Syberia》於 2002 年初次推出，直至目前為止共有三集作品，早前亦於 Nintendo Switch 平台上推出移植版本。《Syberia: The World Before》為系列嘅最新作品，繼續沿用 Kate Walker，一位來自美國紐約的年輕律師作為主角。

《Syberia》為一隻第三視點歷險解謎遊戲，《Syberia: The World Before》大綱類似，不過今集加入時空要素，玩家除了操作 Kate 於現代的西百利亞進行探索，亦會進入到另一時間點，1937 年的歐洲，操作另一位女主角 Dana，在不同時代共同探索去解開謎題。

隨著多集劇情推進，Kate 在今集發生的時候，得悉母親離世的消息。同時，佢發現一張古舊照片，照片上係一位與自己長相一樣嘅女子，正正係故事另一位女主角 Dana。Dana 為一名 17 歲嘅少女，居住於西百利亞一個名為 Vaghen 的地方，為左成為鋼琴家而努力奮鬥。只是處於二次世界大戰爆發前夕，歐洲大陸上正面臨名為 Brown Shadow 的法西斯勢力危機。

Dana 於 1937 年時面對的危機，到底與 Kate 於現代西百利亞面對的謎題有何關係？呢一點正係玩家今集需要解開嘅謎。

《Syberia: The World Before》今集除左有唔同嘅謎題，亦加入各種時代要素，仲有遊戲系列獨有嘅不思議世界觀。工作室表示，除左用心編寫劇本，遊戲嘅配樂都係玩家值得留意嘅部份，希望玩家能夠享受呢隻新作品。

《Syberia: The World Before》目前已於各大 PC 遊戲平台上架接受預購，Steam 版亦會對應繁體中文，遊戲將於 2021 年 12 月 22 日正式推出。