曾開發《天命》及《天命 2》嘅工作室 Bungie 正招聘人手，為公司下一隻全新遊戲 IP 作準備工作。

根據 Bungie 嘅招聘廣告，工作室下隻新作將似乎具有「基本遊玩免費」元素，而佢地亦都招募緊擁有曾接觸「MMO、 F2P 以及手機元素」工作經驗嘅人才加入團隊；同時最好具有「PC 及主機遊戲開發經驗」。

目前尚未知道 Bungie 下隻作品會係乜野形式，到底係會以手機與主機互動嘅遊戲（例如《Destiny 2》都有專屬手機 App），抑或真係一隻跨平台嘅 MMO 遊戲？目前可以確信嘅係遊戲將會係全新 IP。

Bungie 最新作《Destiny 2》於 2017 年時初次推出，後來一直有推出各種付費劇本｜關卡 DLC，鮮明嘅人物描寫以及劇本令遊戲推出數年後仍有一定數量支持者。

有最新消息將會為大家報導。