EA 在早前舉行嘅「EA Play」線上節目裡面正式宣佈《Dead Space》將會開發重製版，並公開部份先行片段供玩家參考。目前《Dead Space Remake》未有確切上架日子，不過對應平台已有定案，EA 表示重製版本將會對應 Xbox Series X｜S、PS5 及 PC 機種。
Survive the spine-chilling horrors of the USG Ishimura in #DeadSpace – A classic rebuilt by @MotiveStudio. pic.twitter.com/NwCrUK9iYS
— Electronic Arts (@EA) July 22, 2021
《Dead Space》於 2008 年時推出首集，並分別於 2011 年及 2013 年推出《Dead Space 2》及《Dead Space 3》。三部曲中以首集《Dead Space》嘅評價最好，但係三集綜觀而言都獲得玩家大致正面評價，亦為 EA 旗下非常經典而備受愛戴嘅遊戲 IP。
《Dead Space》為一隻帶有科幻元素嘅驚慄求生遊戲，早於 2021 年初時，已傳出流言話 EA 有意於今年進行《Dead Space》重啟計劃。例如 2021 年 2 月份時 EA 宣佈中止《Anthem Next》嘅企劃，原因係為咗集中資源到公司「有信心」嘅項目上面；而於 2021 年 6 月份時，前《刺客教條：維京紀元》遊戲監督 Eric Baptizat 轉職 EA 時，EA 官方亦都出咗一條富有暗示意味嘅 Tweet，似係表示 Eric 將會加入到《Dead Space Remake》嘅項目裡面。
當年有參與原版《Dead Space》開發、並擔任 User Experience Director 嘅 Dino Ignacio，亦表示自己受到 EA 開發團隊遨請，正式擔任《Dead Space Remake》開發顧問，希望可以為玩家呈現最原汁原味嘅重製作品。
Back in January, I was invited to help guide the developers remaking a game I worked on 13 years ago. It’s been such a privilege to consult and advise the EA Motive team on a franchise I hold near and dear to my heart. Congrats to the whole team! //t.co/Fdlmzt6aij
— Dino Ignacio (@DinoIgnacio) July 22, 2021
重製版首條影片已經公開：
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。