最鍾意同獨立遊戲合作嘅發行商 Devolver Digital 早前宣佈推出一隻睇落非常唔錯嘅作品《Weird West》，喺宣傳影片入面見到五位「英雄」戰鬥示範畫面，各有特色之餘仲非常有味道又 Match 返「西部」，鍾意動作遊戲嘅朋友唔好錯過！

《Weird West》由獨立開發團隊 WolfEye Studios 製作，係一款動作角色扮演遊戲。遊戲中玩家將去到蠻荒西部地帶，喺呢個充斥住各種怪異生物嘅地方，為咗生存落去執法者同不法之徒決定一齊喺最前線對抗（不過喺大家熟悉嘅城市都係黑白兩道合作嘅），而喺呢個地方做嘅每個抉擇都將左右呢段旅程。

遊戲中每位英雄都會有自己專屬故事，分別係賞金獵人、豬怪、保衛者、狼人同先知，佢哋嘅故事會分為五部，而且每一段旅程都會係獨一無二的。因為玩家喺遊戲中每個行動同決策，都會影響故事走向，從而改變整個西部世界。另外玩家可以喺探險旅程上選擇召攬同伴又或隻孤身前進，當然亦會影響後續嘅劇情，令遊戲重玩性極高。

《Weird West》預計於今年秋季推出，對應平台為 PS4、Xbox One 及 PC Steam，對應繁體中文。