曾擔任《SIREN（死魂曲）》《 Silent Hill（寂靜岭）》等經典恐怖作品原監督一職嘅外山圭一郎先生，早前成立全新工作室 Bokeh Game Studio。工作室於官方 Twitter 上面公開左一條訪問影片，初步介紹工作室正在開發嘅新遊戲。

Meet our COO/Producer Kazunobu Sato, who shares his　journey in the industry and latest updates on our new project.
ボーカゲームスタジオでCOO・プロデューサーを務める佐藤一信氏に開発者としての過去を少し振り返ってもらい、新プロジェクトの進捗を聞きました。//t.co/HHa9Ew48Wv

— Bokeh Game Studio (@BokehGameStudio) June 24, 2021

根據工作室 CCO 兼遊戲製作人佐藤一信表示，Bokeh Game Studio 嘅新遊戲為一隻「恐怖歷險遊戲」，不過與《SIREN（死魂曲）》《 Silent Hill（寂靜岭）》等等作品唔同，今次佢地開發嘅新作，會同時加入動作成份，例如片段中會見到工作人員正進行動態捕捉模擬持劍斬擊嘅畫面。工作室形容新作為「有恐怖元素嘅動作遊戲」，而且會係一隻 Hard Core 動作遊戲。

劇本方面，則會加入許多需要玩家取捨嘅選項。佐藤一信笑言，當中唔少取捨及選項都非常折磨玩家嘅內心以及人生觀，希望可以令玩家有不一樣嘅恐怖體驗。

佢又補充表示，工作室嘅新作目前仲係初步開發階段，預計 2023 年會面世，目前以 PC 作為主要開發平台，但係公司會以登錄更多家用機平台作為開發目標；所以目前遊戲嘅一切都仲係一個謎，期待不日有新消息公佈，再為大家報導。