相信只要係動作遊戲愛好者，都對 From Software 於 2019 年時宣佈推出嘅全新高難度遊戲《Elden Ring》（艾爾登法環）充滿期待，可惜一直都只有少量遊戲嘅資訊公開（流出果啲唔計啦）。等咗咁耐，終於喺今日 Summer Game Fest 2021 正式公開首條包含戰鬥畫面嘅完整預告片，並且確定正式上市時間！
《Elden Ring》由 Fro
喺新片入面，可以見到《Elden Ring》中出現魂系遊戲從未有過嘅「騎乘系統」（即係地圖好大），而且唔係齋代步用，而喺會於馬上戰鬥（馬上有二段跳！），另外亦有加入「跳躍」動作，以及「跳躍攻擊」。魔法就見到有「召喚靈體」以及類似「靈魂洪流」嘅大砲魔法，其他招式就貌似係「劍技」，估計係類似《隻狼》入面嘅招式咁。武器暫時就淨係見到雙手劍、單手劍+盾同埋法杖。
《Elden Ring》將於 2022 年 1 月 21 日全球同步推出，對應平台為 Xbox Series X|S、Xbox One、PS5、PS4 及 PC，購買 PS4 及 Xbox One 版本可免費升級為新世代版本。
VJGamer總編，細細個已經蒲機舖，機齡甚深，熱愛電玩文化。