Square Enix 於日前舉行嘅線上節目「ドラゴンクエスト35 周年記念特番」裡面正式公佈《勇者鬥惡龍 III》將會推出高清版本，名為《HD-2D版 勇者鬥惡龍 III》，預計對應家用機平台，正式發售日有待公佈。

《HD-2D版 勇者鬥惡龍 III》將會以點陣圖美術方式，揉合 3D 技術重現《勇者鬥惡龍 III》當年嘅 2D RPG 遊玩體驗。是次遊戲製作人為早坂将昭，早坂将昭近年工作包括擔任《八方旅人 Octopath Traveler》嘅助理製作人，因此在首次公佈嘅遊戲片段中，例如係光影結合、美術效果、水花嘅表現等等，都與《八方旅人》嘅氛圍有幾分相似。

「勇者鬥惡龍之父」堀井雄二則表示，是次《HD-2D版 勇者鬥惡龍 III》只係佢高清計劃裡面嘅其中一步，目前亦就《DQ 1》及《DQ 2》如何可以再次呈現喺玩家眼前而構思唔同方案，相信對於系列作 Fans 黎講，可以期待日後會有更多相關驚喜出現。

目前《HD-2D版 勇者鬥惡龍 III》對應平台及發售日未定，有新消息會再為大家報導。