EA 旗下全新多人競技類型遊戲《Knockout City 躲避球特攻隊》將於 2021 年 5 月 21 日多平台同步上架，對應 Xbox One｜Series X｜S、PS4｜5、Switch 及 PC；而工作室正式宣佈，《Knockout City 躲避球特攻隊》亦會於推出當日即時登錄 Xbox Game Pass 及 EA Play。

《Knockout City》由曾開發《瑪利歐賽車實況 家庭賽車場（Mario Kart Live）》嘅 Velan Studios 工作室製作，為一隻第三視點躲避球競技遊戲。玩家以三人為一隊，以自訂角色挑戰成為「躲避球特攻隊」，以特技球擊倒對手而得分，並考驗玩家反應去及時閃避對手的攻擊球，係一隻簡單上手但難以精通嘅技術型遊戲。

遊戲裡會出現大量不同場景，亦會有各種類型、令你意想不到嘅躲避球可供使用。工作室目標會不斷更新賽季、地圖、獎勵及積分賽，希望《Knockout City》能成為另一隻長青嘅線上遊戲。

擁有 Xbox Game Pass 或者 EA Play 嘅朋友可於遊戲推出當日在 PC 或 Xbox 平台上遊玩《Knockout City 躲避球特攻隊》，遊戲將於 2021 年 5 月 21 日正式上架。