土耳其獨立遊戲工作室 Cultic Games 推出橫向劇情導向小品《Cats and the Other Lives》，玩家飾演居於大宅裡面嘅貓，以貓嘅視點，去睇穿呢個家庭入面所有成員嘅故事同埋嘴臉，係一隻非常人性化嘅小品遊戲。遊戲定於 2022 年 11 月 21 日正式推出，對應 Steam 平台，推出後已獲得大量玩家好評，為今年劇情向小品的佳作之一。

遊戲以家庭關係瀕臨破裂的「梅森一家」為中心。玩家於遊戲中飾演梅森家飼養的家貓阿斯彭（Aspen），由於家中祖父伯納德（Bernard）身故，所以兒女家人都紛紛回到老家送別。

大家對於祖父、其他家人、或者係呢間童年居住過嘅大屋，都各自有住唔同嘅情感，當中有快樂，亦有痛苦，更有一啲不能為其他人所知道嘅秘密。玩家將會以貓嘅視點，通過你聽到的家庭成員對話，從而了解梅森家族數十年來風光背後的神秘歷史，以及隱藏故事。

《Cats and the Other Lives》係一隻劇情主導嘅遊戲，操作簡單，只需要玩家以滑鼠進行點擊互動；工作室表示，遊戲嘅吸引之處在於故事性嘅各種延伸，情節亦會包含人性嘅各種黑暗面；而故事的完整性、像素風格的美術效果、以及貓咪各種真實的生活形態等等，皆為遊戲的賣點之一。

《Cats and the Other Lives》對應 PC Steam 平台，於 2022 年 11 月 21 日正式推出，對應繁體中文。工作室早前更宣佈部份遊戲收益將會撥捐流浪貓基金（報導），有興趣的玩家記得留意。