Capcom 宣佈正於 Switch 平台熱賣中嘅《魔界村》重製版《經典回歸 魔界村》將會於日後對應 Xbox One｜Series X｜S、PS4｜5 及 PC Steam 平台。

Capcom 早前於 2020 年度「The Game Awards」活動期間宣佈（相關報導），公司旗下經典橫向捲軸動作遊戲《魔界村》會重製成《經典回歸 魔界村》將登場，遊戲於 2021 年 2 月 25 日率先登錄 Switch 平台。

《魔界村》系列於 1985 年初次推出，為八十年代著名嘅高難度動作遊戲，後來系列亦推出過唔少後續作品，相信係唔少資深玩家嘅童年回憶。是次重製的《經典回歸 魔界村》將會以 1985 年初代《魔界村》以及 1988 年《大魔界村》作為基礎藍本，亦配以現代技術，從而提昇整體遊戲系統及畫面。

《經典回歸 魔界村》將設有四種難度供玩家選擇，亦會保留遊戲特有關卡以及角色，希望新一代玩家都能感受一代經典嘅遊玩樂趣。

今次嘅重製版本，仲加入左有周回元素嘅「深魔關卡」，亦支援 Local 單機雙人遊玩模式，2P 玩家將作為支援角色登場，係系列作首次嘅雙打模式。

除卻 NS 版本外嘅家用機平台目前未正式公佈發售日期，有新消息會再為大家報導。