由 PolyAmorous工作室開發的末世歷險遊戲《Paradise Lost（失樂園）》於 2021 年 3 月 24 日正式推出，對應 Xbox One｜Series X｜S、PC Steam、PS4｜5。

《Paradise Lost》為一隻第一視點單機遊戲，故事以二戰作為起源，不過遊戲之中的二戰，與史實並不相符，因為《Paradise Lost》裡面嘅「二戰」並沒有羸家。在戰爭後期，納粹以核武器毀滅歐洲實行「真攬炒！真焦土！」政策，令歐洲各國因為核幅射而形同末世。

玩家飾演 12 歲少年 Szymon，由於母親在核爆中死亡，所以玩家只能隻身一人，在波蘭的廢土上掙扎求存，同時希望尋找到母親生前念念不忘的那個人；旅途當中，卻無意發現神秘的納粹地堡，裡面赫然是一座地下城市，然而地城建築風格極為微妙，到底二戰當中有乜野隱藏嘅秘密？

《Paradise Lost》表面上係一隻末世歷險，實際上係一隻以「復古未來主義（Retrofuturism）」x「重斯拉夫神話」作為主題嘅解謎遊戲。雖然只係一隻獨立遊戲，不過於公佈初期，已經憑住獨特嘅世界觀、以及出色嘅美術表現而獲得唔少玩家嘅注意。雖然玩法聽落未有太明顯嘅獨創性，然而，相信呢個極具魅力嘅劇本，先至係玩家於《Paradise Lost》裡面最關心嘅部分。

《Paradise Lost》於 2021 年 3 月 24 日正式推出，對應 Xbox One｜Series X｜S、PC Steam、PS4｜5。