Xbox 官方正式宣佈《Outriders》將會於推出當日（2021 年 4 月 1 日）同步即時登錄 Xbox Game Pass。

早前與大家報導過《Outriders》有極大可能會落 Game Pass 嘅消息（報導），只係未肯定登錄日期；事隔短短一日，Xbox Game Pass 官方 Blog 就正式宣佈呢個好消息；佢地仲笑言遊戲雖然係 4 月 1 日推出，但係呢個消息就絕對唔係愚人節笑話，而係鐵一般嘅事實。

除左 Xbox 主機之外，使用手機或平板電腦上面 Xbox Cloud Gaming（Beta）一樣對應操作《Outriders》，玩家到時記得準時入 Game。

《Outriders》故事發生於未來世界，地球已不能住人，僅餘人口嘗試於外太空搵到可以居住嘅星球，黎到先發現呢個星球上面有強大而奇怪嘅力量，令到唔少人死亡；玩家飾演嘅角色於當時被冷藏進入睡眠，一瞓就係 30 年，醒返之後，你發現自己身上擁有與星球力量類似嘅能力，於是成為保護家園的戰士。

《Outriders》為一隻第三視點射擊遊戲，戰鬥系統容易上手，主線劇情撰寫深刻，目前已有超過兩百萬名用戶遊玩過 Demo 版本。工作室早前更透露，將會加入 Loot Box 系統增加玩家刷裝趣味。目前遊戲其他聯機戰鬥例如任務、Raid 戰方面尚未有確切公佈，不過試玩版本獲得玩家普遍好評，相信於推出後會成為玩家熱門遊戲之一。

《Outriders》將於 2021 年 4 月 1 日推出，對應平台為 Xbox One｜Series X｜S、PS4｜5、PC 及 Stadia。