由早前製作過《MARIO KART LIVE : HOME CIRCUIT》呢隻 AR 遊戲開發商 Velan Studios 開發，全新多人射擊遊戲《Knockout City》，佢的確係隻射擊遊戲，不過係用閃避球 KO 敵人！
《Knockout City》係將多人射擊遊戲混合閃避球競賽遊戲，每個賽季遊戲都會推出新地圖、球型、獎勵、活動同挑戰。透過投擲、接球、傳球、閃避、衝撞來稱霸閃避球賽。遊戲以 3打3、4打4 或大亂鬥比賽模式進行。除左基本閃避球競賽模式、仲有一啲玩法係將隊友變成閃避球攻擊敵方隊伍而得分，玩法非常新穎有趣。
《Knockout City》於今年 5月 21 日於PS4、PS5、Xbox One、Xbox Series、NS 以及 Steam 平台上推出，並且支援跨平台連線對戰。2 月 20 、 21 日將於 Steam 開放限時 Beta 測試，不過香港暫時未有得申請，要試嘅朋友可能要等下啦。(限時 Beta 測試申請傳送門)
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW