獨立製作遊戲雖然質素參差，但係你肯搵的話好多時都會發現好野。今次同大家介紹嘅《The Eraser》就係一款極優質嘅動作遊戲，玩起上黎手感絕對唔輸比大廠作品，現時已經有試玩版免費下載，試完你就知我無吹水。

《The Eraser》由 Painted Black Games 製作，屬於角色扮演動作遊戲，基本採用 45 度俯視角度，不過官方就將佢定為為類銀河戰士惡魔城遊戲。遊戲故事講述主角喺海上飄浮，醒來之後已經喺一個不知明嘅小鎮上，鎮上充滿住各種怪物，然後前進探索。喺試玩版入面仲係未知故事想講乜，但係場景設計上就充滿住黑暗而神秘嘅感覺，氣氛幾唔錯。

戰鬥部份可視之為俯視角度版《Dark Souls》，基本操作分為輕、重攻擊、墊步、碌，主要玩法就係迴避敵人攻擊後，利用空檔時間進行攻擊。當擊敗敵人後有機會掉落物品，大致分為攻擊、回復兩種道具。攻擊道具可發出直線或範圍強力魔法，係現時唯一遠程攻擊，而回復道具就用黎補血。試玩版中每次死亡都要由頭開始，所以回復藥係極缺乏的，真係夠晒挑戰性。

部份場景會變為平面視角，幾得意

《The Eraser》現時處於開發階段，未有確實推出日期，對應平台亦未定，有興趣嘅朋友可以去 itch.lo 下載試玩版遊玩。