大熱多人食雞射擊遊戲《Apex Legend》正式公佈 Nintendo Switch 版本上架日子，將定為 2021 年 3 月 10 日。
Respawn Entertainment 於官方 Blog 上面宣佈，NS 版本將會馬上對應第八季度 30 種免費 Battle Pass，同時可以同其他平台玩家聯機 Cross-Play。工作室同時表示，NS 用家於遊戲推出後首兩星期內，將會獲得兩倍經驗值。
《Apex Legend》由 Respawn Entertainment 開發，EA 發行，於 2019 年 2 月推出，為一隻 3 人為一隊（雙排形式則為兩人一隊）、最大人數 60 人同時開局嘅食雞射擊遊戲，但同時加入遊戲獨有「英雄系統」。遊戲以兩間公司合力開發嘅另一遊戲 《Titanfall 2》30 年後嘅世界作為故事背景。
玩家需要從遊戲初始 15 個角色揀選一位英雄參戰，並從空投物資中獲得武器、彈藥及裝備；遊戲亦有復活系統，同隊玩家可於隊友死亡後 90 秒，將隊友旗幟帶到重生點復活，係一隻講求反應、合作、射擊技巧嘅遊戲。
遊戲基本遊玩免費，同時可以於遊戲內課金購買外觀、角色及其他組合包，對應平台為 PS4｜5、Xbox One｜Series X｜S、PC 以及 3 月新增嘅 NS 平台。
遊戲雜食向，FPS 苦手，全種類 RPG 專攻，重度聲優控。使用機種：Xbox Series X｜PS5｜Nintendo Switch｜Steam Deck。