《Among Us》個熱潮好似開始退卻，咁多位「捉鬼大師」係咪開始身痕想搵新野玩先？介紹個幾有趣嘅 Party Game 比你，嚟緊長假期可以同親戚朋友一齊玩。

《Unspottable》係一隻單機多人對抗動作遊戲，遊戲玩法非常簡單，就係喺一堆同玩家一模嘅眾多「AI機械人」之中搵返所有「真實玩家」出嚟並擊倒，咁就可以獲勝得分。除左直接擊倒呢個玩法之外，任何玩家率先達成其他勝利條件，亦可以勝出。

《Unspottable》玩法有趣新穎，不過佢就冇單人同多人線上遊玩模式，所以主要係啱一班朋友聚會使用。《Unspottable》已經喺 Steam、Nintendo Switch 以及 Xbox One 上架，PS4 版本亦會喺今年內發售。