前排介紹過一隻手機解謎遊戲《Find Out》之後，有好多讀者都問到有冇啲好玩又唔洗浪費好多時間經營嘅遊戲，咁啱又比我搵到隻唔只玩到唔停手，仲要係我地香港本地獨立遊戲開發團隊製作，如果你係鍾意玩《Threes！》或者《2048》呢類合併類策略遊戲，咁要留意啦！
由香港獨立遊戲開發團隊 Gamestry Lab 製作，《CyberMeow 2048》同其他《2048》遊戲最大分別係佢將「同顏色」嘅方塊組合而非「同數字」組合，所以版圖上所見到嘅方塊數字都只似代表分數。遊戲加人左個「爆炸消除」系統，當玩家陷入困局之際，可以透過炸彈方塊觸發爆炸解困，令遊戲進程有更多變化。
完成每局後所得到嘅分數會轉化成經驗值，可以將你嘅貓貓進化，除左外觀改變，遊玩時仲會有機會直接出更高數字嘅方塊，所以 Level 越高就更容易拎更高分數。
問過製作團隊，《CyberMeow 2048》預計會喺之後更新版本加入更多元素，所以對呢啲要用腦嘅小品遊戲有興趣嘅玩家們，可以自己去 App Store 或 Google Play 下載。
《CyberMeow 2048》Google Play 傳送門
阿九
打機 - 識少少；玩具 - 識少少；睇戲 - 識少少；動漫 - 識少少.....
買膠、派膠、分享膠！Only The Best Is Good Enough！
Lego Enthusiast //goo.gl/HRnxDW