多人料理遊戲不嬲都好受歡迎，最近又有一款多人合作料理遊戲《老陳》上市，加入異世界設定，煮嘅亦唔係常見嘅菜色，加上多人遊玩以及超平價格，絕對可以一試！

《老陳》由台灣獨立遊戲團隊 buho 不或互動娛樂製作，係一款休閒平面料理遊戲，最大支援四人同遊。遊戲講述廚師老陳誤闖到異世界，並遇上一班肚餓嘅動物朋友，因為附近滿佈魔物屍體，於是老陳就地取材，將魔物烹煮成美味料理，然後同動物伙伴一齊踏上冒險之路。

遊戲基本玩法同《Overcooked》類似，煮食流程都係拎食材、切野、煮野、上碟、送餐，隨關卡推進地圖會越黎越複雜，分工越黎越困難，而且有啲地方需要運用角色技能先可以有效加速流程，整體極需要同朋友溝通配合，多人遊玩更加歡樂。

《老陳》已經正式上市，暫時對應平台只有 PC Steam（如果有 NS 版就正），對應單機四人合作及繁體中文，售價係超平嘅 HKD $36.4。