成日玩啲又恐怖又心驚膽跳嘅解謎生存遊戲，大家都睇到悶玩到厭，如果又係被困大屋中、又要躲避敵人追捕又要解謎，不過今次做隻得意可愛小貓喵，你又會唔會想試下？

《Curse That Magic Cat!》呢隻單人動作解謎遊戲並唔係啲咩公司製作，佢只係美國 SMU Guildhall 呢間遊戲開發學院嘅學生作品之一，講述玩家不幸被巫師詛咒變成一隻貓，而遊戲中玩家只要早過巫師收集到三本魔法書，咁就可以解除詛咒逃出生天。

同時，巫師會用盡方法去將你困住，而你就只能夠用方法影響佢，例如打爛佢家居裝飾收藏等佢發嬲拖延搜索進度等等。

《Curse That Magic Cat!》唔只可以喺 Steam 度比大家免費下載遊玩，美國 SMU Guildhall 呢間遊戲開發學院仲有好多高評價嘅學生作品都可以比大家免費下載遊玩，嚟緊又有長假期，大家不妨去佢地個 Steam Page 度留意留意。