曾開發《The Last Of Us 2》嘅 Naughty Dog 工作室正在開發全新遊戲。根據工作室員工 Richard Cambier 與 Vinit Agarwal 嘅 Linkedin，原為《TLOU2》首席遊戲設計師的二人，已分別升職為「遊戲總監」以及「副遊戲總監」，同時亦有唔少《TLOU2》嘅員工獲得職位提昇，當中音效總監 Robert Krekel 亦暗示自己正在為工作室進行全新遊戲的開發準備。

縱使《TLOU2》於劇情安排方面受到唔少玩家非議，遊戲於全球遊戲盛事「The Game Awards」裡面仍然榮獲多個獎項，包括「年度遊戲（The Game Of The Year）」、Best Game Direction、Best Narrative、Best Audio Design、Innovation in Accessibility、Best Action/Adventure Game 等等多個項目。

根據 Vinit Agarwal 嘅個人資料，佢目前正為「多人遊戲」進行籌備工作。Naughty Dog 擅於製作單機遊戲，但於開發多人模式上面缺乏足夠經驗，因此 2019 年時亦擱置了《TLOU2》配置多人模式的企劃。到底 Naughty Dog 以及正在忙於協助拍攝 HBO《The Last Of Us》真人劇集嘅工作室 CEO Neil Druckmann 未來會為玩家帶來乜野驚喜，相信日後仲有有更多消息公佈。