80107 Spring Lantern Festival – 1793 件 – USD $119.99 (香港售價 $849)

80106 中就有隻獨家牛頭人仔，80107 就有呢隻鬧元宵人仔。

總共11部份，仲有 32×32 以及 16×32 兩塊底板，兼且一張貼紙都冇！

兩本說明書各負責一塊底板，適合情侶或親子一齊消磨時間用。

說明書今次用元宵節花燈會景色做插畫

掛喺燈籠下嘅燈謎語句，用特別印刷嘅膠片表示，非常用心。

7 + 1 隻 Minifigures，同 80106 一樣，喺人仔服裝設計上有唔少進步。

最靚嘅莫過於嗰情侶人仔，遠睇身上 2021 LOGO 仲有啲似 「LOVE」。元宵節有住「中國情人節」呢個別稱，所以呢對 Minifigures 有住特別意義。

兩個細路又係出色，仲幫手宣傳埋上年登場嘅 LEGO Monkey Kid 悟空小俠。

「鬧元宵」人仔背後印住燈籠同湯圓；唔好漏左揸相機位哥哥仔，難得件冷衫手臂有印刷，所以今次 80107 啲 Minifigures 絕不馬虎。

加埋啲配件，錦上添花

80107 Spring Lantern Festival 新春元宵燈會場景由兩部份組成，拼砌流程上非常相似，先整理好地型、落標記、再建構場景中嘅主要擺設，最後外牆部份作結，全部夾埋大約 4-5 個鐘內可以完成。

用咁多不同顏色組件，除左方便玩家唔會咁易砌錯之外，有設計師透露過，會喺產品中特登收埋一啲組件令玩家方便改裝之用，所以唔好以為太多雜色組件用唔晒先放落去啊！

淨係見咁多印刷件，夠誠意啦掛

唔洗過千蚊有個咁四正嘅場景，仲要係罕有嘅東方亭園景色。

荷花池嘅層次同立體感做得非常出色

石橋用件簡單準確，而且一眼睇得出係東方特色設計

隻”紅牛花燈”內藏燈件，貼晒題真係有個賞花燈啊！

燈謎用長短膠片表示，真係做到「揭」燈謎嘅效果，非常用心！

場景上好多部份都非常出色，但最深刻嘅地方一定係襯托喺旁邊嘅小竹林。用件、配色、砌法、結構絕對係一流以上，底座用 ball-joint 接合，比玩家製造少少傾斜角度，強化竹枝間縱橫交錯嘅層次。